Wanted: Super Sofa

• blababy2p

  said

  Anderi zahled Vermittligsgebühr für e Wohnig, bi mir wär’s s’Sofa. Ich hett nämli echt gern öpis Exklusivs, also nid unbedingt IKEA.
  Mini neu Wohlfühlcouch muess unbedingt bequem si, nid z’gross und nid z’chli, ungefähr drü Plätz, sodass mer im Notfall druf schlafe chönnt. Kai Leder, kai Chromstahl und nid schwarz, rot oder wiss. Dezwüsche sind vieli Farbe und Materialie möglich. Brun, wyrot, aubergine, dunkelblau, Baumwulle, Manchester, Samt, Filz. Mis Budget liit bi ungefähr CHF 2’500.-, unter Umständ au biz meh. Irgendöper irgendwo eis gseh? Oder zuefälligerwis grad Irichtisberater/in us Liideschaft oder vo Bruef? S’Nächschte wär nämli eu neui Lampe für über de asiatisch Stubetisch us schwarzem Massivholz…
  Wertvolli Tipps werded mit Drinks in ere Bar nach Wahl entschädigt.

• nimrel48p

  said

  Gugg mal bei Atelier Pfister, ist aber eher teuer…

  http://www.atelierpfister.ch/de-ch/

• ewah3p

  said

  Ich bin au grad am Zügle und neu irichte… Bin für äs Sofa und Sideboard im Mobitare go luege gsi, Fly oder mir hät mer gseid, dass sich dä Micasa (!!) rächt positiv gmacht hät…und es stimmt. Jez wo Usverkauf isch, hätts au i chlinere Möbelläde teils gueti Agebot (zB Artiana, Sofa- Polsteratelier ä dä Fröhlichstrasse vis-à-vis Restaurant Tres Kilos)